Dowlada Maraykanka iyo Urur Goboladka IGAD ayaa waxaay markii ugu horaysay isku khilaafeen arin ku sabsan dhamaystirka Maamulka KMG ah Jubba.
Urur Goboleedka IGAD ayaa waxaa uu bishi hore Magaalaada Kismaayo ka soo saaray war u ku shaaciyay in 26 bisha June la dhamaystiridoono Golaha Barlamanka Maamulka KMG ah Jubba waxaana Urur Goboledka IGAD ay magacaabeen gudi uu hogaamiye u yahay Ugaaska beesha Obsame kuwaas oo lo xilsaray so xulista xubnaha Barlamanka Maamulka KMG ah ee Jubba .
Ka dib markii warkaasi uu ka so baxay Urur Goboleedka IGAD waxaa ka biyo diiday Dowlada Maraykanka gaar ahaan Safiirka Dowlada Maraykanka u fadhiya wadanka Kenya Mudane Robert F. Godec.
Ambassador Robert F. Godec ayaa waxaa uu sheegay in Barlamanka Maamulka Jubba aan la dhisi karin Xili wali aysan heshsiis ahaayn dhinacyadii Magaalada Isku farasaray,
Ambassadorka ayaa waxaa uu soo jeediyay in marka ugu horaysa la qabto wajigii labaad ee Shirka dib u heshiisinta Gobolada Jubboyinka iyo Gedo lana dhameeyo xurgufta dhex taala Ciidamada ku sugan deeganka Gobweyn ee Duleedka Kismaayo iyo Ciidamada ku sugan gudaha Magaalada.
Ambassador Maxamed Cabdi Afeey iyo Gen Gabre oo ayagu matalayay Urur Goboleedka IGAD ayaa waxaay waqti badan galiyeen sidii ay uga dhaadhicin lahayeen Ambassador Robert F. Godec in aan lo bahnayn dib u heshiisin dhexmarta dhinacyadii is farasaaray balse lo bahan yahay in dag dag lo dhamaystiro hay,adaha Maamulka Jubba u ka kooban yahay.
Sida ay Idale News Online xogtaani ku heshay Ambassador Robert F. Godec ayaa waxaa uu ku adkaystay in aan la dhisi karin Barlamanka Jubba inta uu ka dhacayo wajiga labad ee shirka dib u heshiisinta Jubboyinka iyo Gedo.
Xiriir aanu la samaynay xubno ka tirsan Maamulka Jubba ayaa waxaay ugu danbeyn ino xaqijiyeen in dib lo dhigay so xulidii barlamanka Jubba ka dib cadaasi ka yimid Dowlada Maraykanka.
Ambassador Robert F. Godec ayaa bilihii ugu danbeyay waxaa uu si weyn isha ugu hayay dhacdoyinka kale duwan ee ka socda Gobolada Jubboyinka waxaana dhamadkii bishii aanu ka soo gudubnay uu xiriir dhanka telefoonka ah la yeeshay Col Barre Adan Shire oo ah Hogaamiyaha Golaha Nabada iyo Midnimada Gobolada Jubboyinka inkasta oo ila iyo hada aysan cadayn waxaa ay ka wada hadleen labadaasi masuul.
Idale News Online,Nagala Soo Xariir Email: Idalenewsonline@gmail.com
