Baydhabo(INO)-Wasaarada arimaha gudaha iyo dowladaha hoose ee Dowladda Koonfur Galbeed Soomaaliya Ayaa Maanta Shaacisey in aan la qaban karin Shirar Siyaasadeed aysan Ogeyn wasaarada arimaha gudaha iyo Dowladaha Hoose iyo Weliba Wasaaradda Amniga.
Go’aankan ayaa maanta Ka Soo Baxay Kullan Maanta ay isugu yimaadeen Gollaha Wasiirada iyo Madaxweynaha Koonfur Galbeed Soomaaliya Shariif Xasan Sheikh Aden taaso ka dambeysey ka dib markii ay soo baxeen Siyaasiyiin Doonaya inay Doortaan Madaxweyne Cusub Oo Dowlada Koonfur Galbeed Soomaaliya ay yeelaneyso iyagoona doonaya inay xilka ka tuuraan Madaxweynaha KGS oo Mudo sanad ah uu haayey Xillkaasi.
Wasiirka wasaarada Arimaha Gudaha iyo Dowladda Hoose C/raxamaan Ibraahim Aden Sate iyo Wasiirka Amniga C/fataax Maxamed Ibraahim Geesey, ayaa maanta Si wadajir ah saxaafadu ugu hor sheegeen.
“ Maanta iyo waxii ka dambeeyo Lama qaban Karo shirar siyaasadeed oo ogolaansho looga haysan wasaarada arimaha gudaha iyo dowladaha Hoose, huteelada iyo Goobaha kale ayaan ku wargalinayna Ee Degaanada KGS, kuwa doonaya inay Carqaladeeyaan Dowladda KGS waan ka hortageyna” ayuu yiri Wasiirka Arimaha Gudaha C/ raxamaan Ibrahim Aden Sate.
Dhan kale wasiirka amniga Ee Dowlda Koonfur Galbeed Soomaaliya C/fataax Maxamed Ibraahim Geesey ayaa isna u digey siyaasiyiinta Doonayaan inay shirar siyaasadeed Ka dhanka ah Madaxweynaha Koonfur Galbeed Soomaaliya ay ku qabsadaan Magaalada Baydhabo Ee Xarunta Gobolka Bay,kuwaasoo uu ku sheegey ina yihiin kuwo mar kale dhalinayo food iyo is jiid jiid siyaasdeed oo aan dhamaad lahayn, waxana uu tilmaamey in laga wada Shaqeeyo Dhowrista sharciga iyo Amniga KGS.
Ugu dambeyntii, kullanka Gollaha wasiirada Ee Koonfur Gallbeed Soomaaliya waxaa Xoogaga Lagu saarey ka hadalka arimaha Daadadka oo degaanada KGS ay ku dhufteem isla markaana khasaaro nafeeed iyo mid hantiyadeed ay geeysteen iyo Arimaha Amniga.
Idalae News Online, Xafiiska Baydhabo
Email: Idalenewsonline@gmail.com
