Madaxweynaha dowlada federaalka Soomaaliya, Xasan Sheekh Maxamuud ayaa gaarey magaalada Khartuum ee dalka Suudaan, halkaasi oo uu kaga qeybgalaayo xafladda caleema saarka madaxweynaha dib loo doortay ee dalkaasi Cumar Xasan Albashiir.
Madaxweynaha iyo Wafdiga la socda oo ka soo kici timay dalka Nigeria oo ay kaga soo qeybgaleen munaasab lagu calaamo saaraayey Madaxweynaha cusub ee dalkaasi Muhamadou Buhari , ayaa markii ay soo gareen garoonka diyaaradaha ee magaalada caasimada ee Khartuum waxaa si diiran halkaasi ugu soo dhaweeyey madaxda ugu sareysa ee dalkaasi iyo masuuliyiinta safaarada Soomaalida ee dalka Suudaan.
Madaxweyne Xasan Sheikh ayaa waxa inta uu joogo Khartoum la filayaa inuu la kulmo jaaliyada Soomaaliyeed iyo masuuliyiinta safaarada Soomaalida ee dalka Suudan.
Madaxweynaha iyo wafdigiisa ayaa qorshuhooda yahay in ay dib ugu soo laabtaan magaalada Muqdisho maalinta talaabada ee berito ah.
Idale News Khartoum.
