Ciidamo ka amar qaato qabqable Maxamuud Qaafow ayaa waxay maanta weerar ku dileen gudoomiyihii hore ee degmada C/casiis ee G/Banaadir Yuusuf Cali Indhoole oo ay Isbaaro u taalay Deegaanka Tixsiile ee duleedka Degmada Afgooye.
Yuusuf Cali Indhoole ayaa horey u soo noqday Gudoomiyihii Degmada C/casiis ee Gobolka Banaadir, iyadoo muddooyinkaan dambe uu ka mid ahaa mooryaanta tirada badan ee u soo qaraab tagtay boobka shacabka Gobolka Shabeellaha Hoose.
Ciidamada Qaafow iyo maleeshiyaad daacad u ah Yuusuf Cali Indhoole, ayaa waxaa dagaal uu ku dhexmaray Isbaarada Tixsiile u taalay Yuusuf Cali Indhoole.
Maleeshiyaadka Qaafow oo aad u tiro badnaa darteed ayaa dagaal mudo socday kadib waxaa la dilay isbaariiste Yuusuf Cali Indhoole iyo tiro ka tirsan maleeshiyaadka labada dhinac.
Dagaalka u dhexeeyo Ciidamada Yuusuf Cali Indhoole iyo Maxamuud Qaafow ayaa salka ku haayo is faham darro dhaqaalaha ka soo xaroodo isbaarooyinka yaalo Sh/hoose .
Idale News Online, Afgooye.
