Newyork(INO)-Sawirro qaawan oo laga qaaday Milenia Trump oo ah xaaska musharaxa Madaxweynaha Maraykanka ee xisbiga Jamhuuriga Donald Trump ayaa lagu baahiyey wargeyska New-York Post ee ka soo baxa wadanka Maraykanka.
Sawirrada oo ah kuwo fara badan oo lagu baahiyay Wargeyska New York Post ayaa fadeexad kale ku noqonaysa musharaxa Donald Trump oo horeba eedeymo iyo fadeexado kale ay u heysteen.
Waxaa qaaday sawiradan Jarl Alé Alexandre de Basseville, sanadkii 1995 xilligaas oo Melania ay ahayd modeliiste qaawanaanta ku faani jirtay, iyadoo Donald Trump guursatay saddex sano ka dib xiligaas.
Milenia waxay iska qaaday sawirro guud ahaan ay qaawan tahay oo aanay wax dhar ah xirneyn waxaana jirkeeda oo dhan uu yahay mid qaawan marka laga reebo qeybta hoose oo gacmaheeda ku qarineyso.
Donald Trump ayaan ka hadlin illaa hadda sawiradan qaawan ee laga baahiyey xaaskiisa, waxaana dad badan oo Maraykan ah ay isweydiinayaan sida Milenia Trump oo dhaqanka noocaas ah ay ugu qalanto iney noqoto marwada Koowaad ee Maraykanka.
Fadeexadan ayaa noqoneysa tii labaad ee soo wajahda xaaska musharaxa Madaxweynaha Maraykanka ee xisbiga Jamhuuriga Donald Trump, dhowaan ayeyna aheyd markii Milenia oo ka hadleysay Shirweynaha xisbiga Jamhuuriga ay jeedisay khudbad ay horey u jeedisay xaaska Madaxweyne Obama taasoo warbaahinta caalamku ay si weyn u faaqiday sida labada khudbadood ay iskugu ekaayeen.
