Ciidamo ka badan 400 oo askari oo shalay tababar loogu soo xiray degmada Tayeeglow ee gobolka Bakool ayaa la sheegay inay dhawaan bilaabayaan howlgalo ka dhan ah Alshabaab oo xiray wadooyinkii soo geli jiray degmadaasi.
Gudoomiye ku xigeenka degmada Tayeeglow ee gobolka Bakool Cali Cabdi Nuur oo saxaafada la hadlay ayaa sheegay inay ciidamadaasi sifeyn doonaan wadooyinka Alshabaab ay jareen ee ku yaala duleedka degmada Tayeeglow.
Halkan ka Dhageyso
Gudoomiye ku xigeenka ayaa sidoo kale sheegay in ciidamadaasi ay adkeyn doonaan amaanka deeganaada hoostaga degmada Tayeeglow ee gobolka Bakool, maadaama mararka qaar ay Alshabaab weeraro ka geystaan.
Degmada Tayeeglow ayaa ka mid ah degmooyinka Alshabaab ay cunuqabateynta ku sameeyeen markii ay kala wareegeen ciidamada dowlada Soomaaliya.
Idale News Online, Tiyeeglow
