Daawo: Ugaas Xasan Shure, Gudoomiyaha Golaha Guurtida Maamulka KG ee 6da Gobol oo weeraray Gudoomiyaha Barlamaanka Jawaari

Gudoomiyaha Golaha Guurtida Maamulka KG ee lixda gobol Malaaq Xasan Shure Maxamuud oo shir jaraa’id ku qabtey xarunta maamulkaasi ee magaalada Baydhaba ayaa si kulul u weeraray siyaasada dowlada federaalka ee dhismaha maamulad goboleedyada dalka.

Gudoomiyaha Golaha Guurtida Malaaq Shure ayaa sidoo kale ku eedeeyey gudoomiyaha Barlamaanka Somalia Maxamed Cismaan Jawaari inuu qiyaamey dadka ku nool koonfur galbeed Somalia, isagoo dhowr jeer oo hore u sheegay inay u guntadaan ka mira dhalinta maamulka lixda gobol hase ahaatee dhanka kale ku howlanaa hagal daaciyey rabitaanka iyo dhismaha Maamulka 6da gobol

Malaaq Shure oo dhanka kale shirka ka socda Kismaayo iyo kan dhowaan dowlada federaalka ay ka furtay 2duba ku tilmaamtey inay yihiin mid aan ka turjumeynin rabitaanka shacabka fashilna uu ku dambeyn doono maadaama dadka deegaan maamuladaasi aysan qeyb ka aheyn dhismaha maamulada ay dowlada wado.

Xafiiska Wararka Idale News Online, Baydhabo