Muqdisho(INO)-Ra’iisul Wasaaraha Xukumadda Soomaaliya Cumar C/rashiid Cali Sharmaake ayaa lagu wadaa in Barri oo Isniin ah uu Baarlamaanka Federaalka ah hor geeyo Wasiiradiisa uu soo Magacaabay Dhawaan.
Xildhibaan Prof Maxamed Cumar Dalxa oo kamid ah Baarlamaanka ayaa sheegay in Ra’iisul Wasaare Sharmaake uu Golahiisa Wasiirada Baarlamaanka Barri hor keenayo si loogu qaado Codka Kalsoonida.
Ra’iisul Wasaare Sharmaake ayaa Baarlamaanka horay uga dalbaday in la siiyo mudo 10 Cisho ah si uu u soo dhameystiro Wasiirada Xukumaddiisa iyo Barnaamijyada ay ku shaqeyneyso Xukumadda.
Idale News Online, Muqdisho.
