Waxaa dib-u-dhac uu ku yimid safar ay maanta kaga bixi lahaayeen magaalada Muqdisho ayna ku aadi lahaayen Magaalada Baydhabo, Madaxweyne Madoobe Nuunow iyo Wafdigiisa.
Dib-u-dhaca ku yimid waftiga Maamulka Lixd Gobol Ee KG soomaaliya ayaa lagu sheegay cilad farsamo oo kutimid Diyaaradii qaadi laheyd wafdiga.
Warar hoose oo aan ka helnay Caasimadda soomaaliya Muqdisho ayaa sheegaya in Dowlada DF soomaaliya ay u baajisay Wafdiga Maamulka 6da Gobol Ee KG soomaaliya ee maanta ku laaban lahaa Magaaladda Baydhabo Janaay.
Dhanka kale waxaa maanta Diyaarad qaas ah magaalada Muqdisho geysay Cabdifataax Ibraahim Geeseey oo ah wasiirka arrimaha gudaha iyo Amniga iyo Shiine Macallin Nuuroow oo isagana ah wasiirka dowladda Hoose iyo horamarinta reer miyiga ee Dowlad Goboleedka KG soomaliya Ee 6da Gobol.
Madaxweyne Madoobe Nuunow ayaa ayaa la sheegey in aaney wax war ah ka heyn safarka ay Muqdisho ku yimaadeen C/fitaax Ibraahim Geesay iyo Shiine Macalin Nuurow, Ilo Xog Ogaal ah oo ay Heshey shabakadda Idale News Online sheegayan inay casuumaad ka heleen Xafiiska Ra’iisal wasaaraha Muqdisho C/weli Sheekh Axmed.
Lama Sadaalin karo halka ay ku biyo shuban doonaanSiyaasada Cakiran Ee Kataagan KG soomaaliya oo leh iyo warkii dhanaan ka soo fufey Gollaha Guurtida 6da Gobol.
