RW ayaa isaga OO aan wax wadatashi la suubinin madaxda kale Ee Dowlada ayaa si Hoose u aqbalay dhamaan qodobadii ay Maamulka Puntland hordhigtey; waxayna qodobada kala yihiin:
1-Waa in Dowlada Federaalka ay qoraal saxiixan ku cadaysaa waxa ay ula jeedo Maamul u samaynta Gobolada Dhexe ee Soomaaliya.
2-Puntland waa inay heshaa Saamiga ay ku leedahay Deeqaha lagu helo magaca umada Soomaaliyeed,oo Dulmi wayni uu ka jiro.
3-Dowlada Federaalka waa inay Xaq dhowrtaa illaalisana Sagaalka Gobol ee ku bahoobay PUNTLAND isla markaana aysan jirin maamulo kale OO ka dhisan sagaalka gobol ay PUNTLAND sheegatey.
4-Federaalka waa inuu ogolaada in Puntland ay u Madax bannaan tahay Baarista Shidaalkeeda,sida uu Dastuurku qorayo.
5-Dowlada Federaalka waa inay dib u aqoonsataa Shahaadada Ardayda ka baxa Dugsiyada sare ee Puntland,si ay Jaamacado ugu aadan,xilli Federaalka ay joojiyeen Shahaadada Ardayda Puntland ay ku aadi jireen dalka Suudan.
6-Federaalka waa inay dib u saxaan wax ka badalkii ay ku sameeyen Dastuurka ay ku heshiiyeen umada Soomaaliyeed,oo lagu sameeyay faraglin qaawan.
7-Dowlada Puntland waa inay talo iyo Miisaan ku yeelataa geedi socodka loogu jiro hirgalinta Federaalka,maadama ay tahay Hooyada Federaalka.
8-Dowlada Puntland waa inay goob joob ka noqotaa wada hadal dhexmara Federaalka iyo Soomaaliland,maadama Soomaaliland ay sheegato Dhul ka tirsan Puntland,haddii kale wada hadalku uu noqonayo mid Beeleed.
9-Dowlada Federaalka waa inay dhowrtaa Madaxbannaanida iyo Jiritaanka Puntland,ayna faragalinta ka daysaa.
10-Dowlada Puntland waa inay Saami ku yeelataa tababarada Ciidamada loogu diro Dibada,oo ah deeq lagu helo magaca umada Soomaaliyeed.
Idale News Online, Garowe
