C/wali Sh Axmed Ra’iisul wasaaraha Soomaaliya ayaa sheegay in Dowladda uu Ra’iisul wasaaraha ka yahay ay haysato Hub iyo Ciidan ku filan,laakiin ay ka maqan tahay oo kaliya Qorshehii Al-shabaab loola dagaalami lahaa.
Ra’iisul Wasaare C/wali ayaa sidoo kale sheegay in ay jiraan Ciidamo aan u shaqeyn sida Daacad ah oo ka tirsan Laamaha Amaanka dalka.
C/wali Sh ayaa intaa ku daray in uu garawsan yahay Daruufaha ay ku shaqeeyaan Ciidamada Soomaaliya,laakiin ujeedku uu yahay in ay dhaxda u xirtaan Dagaalka Dhagar qabayaasha Al-shabaab.
Shalay ayey aheyd markii Ra’iisul wasaare c/wali uu sheegay in Xukumadda Soomaaliya ay Dagaal la galeeyso Maleeshiyada Al-shabaab.
Idale News Online – Muqdisho
