Baydhabo(INO)-Taliska ciidamada Booliiska magaalada Baydhaba ayaa sheegay in baaritaan ay ku hayaan dad dhawaan lagu soo qab qabtay howlgal ay ciidamada ka sameeyeen xaafadaha magaaladaasi ay ka kooban tahay.
Korneel Mahad Cabdiraxmaan Aadan oo ah taliyaha qeybta Booliiska ee gobalka Bay ayaa sheegay in dadka lasoo qab qabtay ay ku jiraan dad dhibaato amni ka wada magaalada Baydhaba.
Waxa uu sheegay in ay baarayaan dadka ay hayaan, sidoo kalena ay dadka qaar loo soo qabtay tuhun ku aadan Al-shabaab iyo sidoo kale in ay ka dambeeyaan dilkii habeen hore loo geystay Sheekh Caan ka ah magaaladaasi.
Halkan Ka Dhageyso.
Dhanka kale Wasiirka Amniga maamulka Koonfur Galbeed Cabdifitaax Maxamed Ibraahim Geeseey oo isna saxaafadda la hadlay ayaa sheegay in ay dejiyeen qorshe balaaran taasi oo ku aadan sugidda amaanka magaalada Baydhaba.
Waxa uu tilmaamay Geesey in ay la dagaalami doonaan Al-shabaab, waxaana uu shacabka ugu baaqay in ay ka shaqeeyaan amaanka guud ee magaalada Baydhaba, garabna ay siiyaan ciidamada amaanka.
Idale News Online, Baydhabo.
