Baydhabo(INO)-Daraawaladda Mootooyinka loo yaqaan Bajaajta ama Tigda ee ka shaqeeya Magaalada Baydhabo ee Xarunta Gobolka Bay, ayaa ku dhawaaqay shaqo joojin kadib markii ay cabasho ka muujiyeen Ciidamada Millatariga ee Dowlada Soomaaliya, Kuwaasoo Sida Ay Sheegeen Ku qasba In Si lacag la’aan ah ay ku geeyaan Meelaha Ay Doonaayaan.
Bajaajleyda ayaa dhibaatada ay qabaan ku sheegay in Ciidamada Millatariga iyaga oo aan dhiibin wax lacag ah ay xoog ku raacaan gaadiidkooda ilaa ay tagaan meesha ay doonayaan.
Dad Danyar ah ayaa Nahay, bajaajtan, waxaan Ka Soo saaranaa Beelka Caruurteena, culeys Weyn ayaa Na Saaran, Ciidanka Militiriga DFS , Markii ay Soo fuulaan Bajaajta waxay nagu yirahdaan, Lacagtu waan ku siineynaa, markii aan Geyno, waxay naga yirahdaan, Ka hor dhaqaaq halkan, hanagu qarxine dhibaato weyn aya nahaysato,” ayuu yiri Caliyow.
Qaar ka mid ah kuwa ay dhibaatadaan qabsatay ayaa u sheegay Warbaahinta Gudaha Dalka Soomaaliya in Warqad cabasho ah ay u gudbiyen Taliska ay hoostagaan Ciidamada ee qeybta 60-aad oo uu Madax u yahay Jeneraal Ibraahim Yarow.
Ciidamo Badan oo isugu jira Boolis, Madani ayaa Ka Howlgala Magaaladan, waxaan Saaxibo La Nahay booliska, wax dhib ah kuma Qabno, lakiin ciidanka militeriga ayaa Dhib iyo handaad nagu haayo, degaankeena aan u dhalaney ayaan joogaan, meel aan u tahriibno garanmeyno, warqad cabsho ah ayaan u gudbiney taliska Ciidanka, balse Jawaabtoodu way nagu soo raagtey” ayuu yiri Gudoomiyaha Bajaajleyda Dgmadda Baydhabo
Halkan Ka Dhgeyso.
Ugu Dambeyntii, Bishaan gudaheeda ayaa Madaxweynaha Dowladda Koonfur Galbeed Soomaaliya Shariif Xasan Sheekh Aadan, waxa uu uga digay Ciidamada Millatariga dhibaateynta Dadka Shacabka ah.
Idale News Online, Baydhabo
