Wararka naga soo gaaraya degmada Qoryooleey ee gobolka Shabellaha hoose ayaa waxay sheegayaan in halkaasi uu ka socdo kulan ballaaran oo udhaxeeya dadka deegaanka iyo saraakiisha ciidamada ee duulaanka ku qabsaday maanta degmadaasi.
Kulanka ayaa waxa uu yahay mid looga hadlayo sidii wada shaqeyn buuxda udhexmari lahayd ciidamada halkaasi gaaray iyo dadka deegaanka,waxaana saraakiisha ciidamada dawlada Somaliya ay shacabka Qoryooleey ka codsadeen inaysan qarin shabaabkii la arko.
Abaan-duulaha ciidamada Xoogga Janeral Cabdirisaaq khaliif Cilmi oo la hadlay goor dhaw warbaahinta qaranka Somaliya ayaa sheegay in kulanka uu yahay mid wacyi gelin iyo wada shaqeyn shacabka looga dalbanayo odayaashii qoryooleyna ay kulanka joogaan.
Shan sano ayaa waxa Qoryooleey maamulayey Xarakada Al Shabaab waxaana maanta gacantooda ay ka baxday kadib culeys kasoo food saaray dhinaca ciidanka Ugandha iyo kuwa meliteriga Somaliya.
Idale News Onlin e
