Warar goor dhow naga soo gaaray magaalada Baraawe ee gobalka Sh/Hoose ayaa waxa ay sheegayaan in degmadaasi ay maanta ku dagaalameen ciidamo ka wada tirsan ururka Shabaab.
Sida ay inoo xaqiijiyeen dad goobjoogayaal ah ee ku sugun baraawe oo warhaahinta la hadlay in gudaha magaalada ay ku dagaalameen maleeshiyo ka kala amar qaata Axmed Godane iyo kuwa kale oo ka soo horjeestay fikirkiisa.
Ilaa iyo hada lama soo sheegin khasaaraha rasmiga ah uu geystay dagaalkaas balse waxaa la cadeeyay in labada dhinac uu khasaaro kala duwan soo gaaray iyado wali ay xaalada kacsan tahay.
Dhanka kale dagaalkaan ayaa waxa uu daba socdaa dilal maalmihii ugu danbeeyay uu Axmed Godane u gaysanaayay hogaamiyayaal ka tirsan Shabaab kuwaas oo ay isku qabteen kala fikir duwanaansho dhanka maamulka ururkooda.
dagaalkaani ayaa imaanaaya xili dhawaanahanba ay uu ka dhex aloosnaa colaad iyo khilaafyo aan weli la shaacin qaar ka mid ah horjoogishaa waaweyn ee ururka Al-Shabaab oo dowladaha reer galbeedka ay ku dareen liiska ururada argagaxisada dunida.
Idale News online, Somalia
