Daawo: Maxaa ku kalifay in Shariif Xasan u ololeeyo dhismaha Maamul ka kooban 3 gobol

Booqashadii Shariif Xasan Sheikh Aadan ee magaalada Baydhabo ayaa dhalisay in ay dadka  ku nool gobolada Koonfur Galbeed wax  iska weydiiyaan olalahiisa uu kaga soo horjeedo dhismaha maamul goboleedka Koonfur Galbeed, iyo taageerada uu u haayo maamulka Jubba ee Axmed Madoobe iyo heshiiskii Addis Ababa.

Dadka siyaasada Soomaaliya ka faalooda ayaa sheegaaya in Shariif Xasan doonaayo in ciriiriga siyaasadeed ee haysta beryahaan dambe uga xuubsiibto maamul goboleed isagu madax ka yahay maadaamo uu ku fashilmay qabashada hogaankii dalka. Hase ahaatee dadka ka soo jeeda gobolada koonfureed  ayaa iyagu aad uga dharegsan dabinka cadowga iyo shirqoolada siyaasiyiinta gudaha iyo dibada ee  ku saleysan xukun iyo dhaqaale uruursi.

Shariif Xasan ayaa lagu eedeeyey xiligii gudoomiyaha barlamaanka Soomaaliya ahaa inuu marnaba isku howlin dhismaha maamul dadkiisu yeeshaan  iyo inuu ka hadlo  dhismihii  Maamulka Jubba & Heshiiska Addis Ababa  inuu yahay mid waafaqsan dastuurka dalka iyo hindise sharciyeedka dhismaha maamulada gobollada & degmoomiyinka dalka.

Si kastaba ha ahaatee, mugdiga dadka KG iyo dowlada federaalka Soomaaliya ayaa salka ku haaya ku dhaqan la’aanta dowlada ee dastuurka dalka u degsan iyo aqoonsiga dowladu siiyey Maamulka  Jubba ee Axmed Madoobe kasoo ay u arkeen in dowladu  sharci u gaar ah u sameysatey gobolada Jubooyinka & Gedo.

Idale News Online, Baydhabo