Baydhabo(INO)- Bandhig faneed lagu dhiira galinayey Fanka, Sugaanta iyo Nabadda Koonfur Galbeed Soomaaliya ayaa ka dhacey Magaalada Baydhabo Isla markaana islamarkaasna ay soo qaban qaabisay hay’ada dib u heshisiinta iyo wadahadalka Ee CRD.
Bandhig faneedka ayaa dhalinyarada lagu dhiirigaliyey si ay ugu qeyb qaataan dadaalka nabada ay CRD ka wado gobalada KG soomaliya ayagoo kaga qeybqaadanaya dhinaca fanka iyo suugaanta dhaqanka. Sida heeso, Ruwaayado. gabayo ,ciyaaraha hidaha iyo dhaqanka 00 dhamaantooda ka hadlaya nabada.
Munaasabada oo ka dhaceysay hoolka shirarka Ee Dowladda Koonfur galbeed oo aan ka fogeyn xarunta Madaxatooyada ayaa waxaa kasoo qeybgalay wasiiro ka tirsan Dowladda KG Soomaaliya, masuuliyiinta hay’ada wadahadalka iyo dib u heshisiinta CRD, odayaal dhaqameedyo iyo qeybaha kala duwan ee bulshada magaalada Baydhabo Ee Xarunta Gobolka Bay.
Ugu horeyn waxaa goobta heeso, ruwaayado, gabayo iyo farshaxan ka tarjumayey nabada
halkaasi kusoo bandhigay dhaliyaro lyagu si aad ah ugu soo diyaar garowday in ay ka qeyb
qaataan munaasabada lagu muujinayey qiimaha nabadu ay leedahay.
Madaxa Hay’adda CRD Cabdulaahi Xaaji Xasan ayaa ugu horeyn halkaasi ka hadlay kana
waxbixiyey ujeedada munaasabadda.
Sidoo kale Gudoomiyaha Gobolka Bay Mudane Cabdirashid Cabdulaahi oo kalkaasi ka hadlay ayaa soo dhoweeyay barnaamijka kor loogu qaadayo nabadda.
Ugu danbeyn wasiirka warfaafïnta iyo wacyi-galinta Ee Dowladda KG Soomaaliya Xasan Cabdi Maxamed ayaa wax lagu farxo ku tilmaamay inay dhalinyaradu kusoo bandhigaan qiimaha nabadda qaab faneed, farshaxaneed iyo ciyaaro dhaqameed.
Halkan Ka Daawo.
Idale News Online, Xafiiska Baydhabo
