Baarlamaanka Federaalka Soomaliya ayaa maanta sii wadaya Dood ku aadan Su’aalo weydiinta Wasiirka Amniga Soomaliya C/kariin Xuseen Guuleed.
Gudoomiyaha Baarlamaanka Soomaaliya Prof.Max’ed Sh Cismaan Jawaari ayaa sheegay in Baarlamaanka maanta ay sii anba qaadayaan Su’aalo ku saabsan Amaanka Dalka oo wax laga Weydiinayo Wasiirka Amniga C/kariin Guuleed.
Sidoo kale Gudoomiyaha Baarlamaanka Soomaaliya ayaa sheegay in Baarlamaanka Soomaaliya uu Asna maanta hor imaanayo Wasiirka Arrimaha Gudaha iyo Federaalka Soomaaliya C/laahi Goodax Barre.
Waxaana wax laga weydiinayaa Maamul Goboleedyada Dalka ku soo batay,sida loo magacaabo Gudoomiyaasha degmooyinka Gobolka Banaadir iyo Arrimo kale.
Baarlamaanka Soomaaliya ayaa waxaa sidoo kale hor tagaya maanta Safiirka Soomaaliya u fadhiya Dalka Kenya,Ambaasador Max’ed Cali Nuur Amerika,ayadoona Baarlamanaka uu wax ka weydiinayo Dhibaatada Kenya ku hayso Soomaalida Dalkeeda ku Nool.
Idale News Online, Muqdisho.
