Daawo Cabdixakiim Fiqi oo ka gaabsadey taageerada KG, balse soo dhoweeyey dhismaha Maamulka Jubaland

Wasiirkii hore ee DF ee Soomaaliya C/xakiin Xaaji Fiqi, oo Waraysi siiyey  mid ka mid ah TV Soomaalida ee gobolka Minnesota ee lagu magacaabo ACRO TV ee Wariye Yuusuf Xaraare, ayaa iska difaacay eedaymo loo soo jeediyey , waqtigii uu ahaa Wasiirka Gaashaandhiga DF ee Soomaaliya, gaar aan dagaaladii Kismaayo horay uga dhacay.
Wasiirkii hore oo hadaladiisa ay u muuqdeen inuu raadinaayo kalsoonida Maamulka Jubbaland ayaa waxuu sheegay inuu marnaba isaga iyo madaxweyne Xasan aysan ka soo horjeedin dhismaha Maamulka Jubaland ee Madaxweynaha ka yahay Axmed Madoobe.

Maamulka Jubaland ayaa waxii ka dambeeyey heshiiskii Addis Ababa ka dib ka gudbay caqabadihii dhanka dowlada federaalka isla markaasna siyaasad ahaana helay taageerada inta badan dalalka reer galbeedka iyo kuwa dariska. madaxdii sida aadka uga soo horjeedayna haatan u wada muuqdaan kuwa tartar ugu jira in beelahooda xilal laga siiyo maamulkaas si la mid ah wasiirka cadaalada Faarax C/qaadir oo galaangal siyaasadeed u galey in beeshii ay wasiir iyo madaxweyne ku xigeen ay ka helaan maamulka Jubaland, halka maamulka KG Somalia aysan dan iyo heelo ka laheyn jiritaankiisa.

 

Inkasta oo C/xakiin Fiqi , uu eedaymahaas iska fogeeyey, haddana dadka deegaanka Jubbooyinka waxay isku raacsan yihiin inuu ka mid ahaa shaqsiyaadkii dhiiga shacabka Jubbaland ku daadiyey guddaha magaalada Kismaayo.

Idale News Online