Muqdisho (INO) — Midowga Yurub ayaa sheeciyay Deeq Laceeg oo gaareyso 6 Milyan oo Doolar uu siin doono Dowladda Federaalka ah ee Soomaaliya, waxaana la ogeyn balanqaadkan inuu hergeli doono.
Lacagtan Deeqda ah wuxuu ugu magacdaray Midowga Yurub “Stability Fund” oo lagu caawinayo Maamulada Maxaliga ah, Kaabiyaasha dhaqaale & Nolosha Dadka ku nool Degmooyinkii laga saaray Al shabaab ee Koonfurta & Bartamaha dalka.
“6 Milyan ee aan ugu deeqnay DFS waxaan doonaynaa In lagu xoojiyo, laguna taageero Maamulada dhisamaya & Wax soo saarka Gudaha waxay aas aas u yihiin hanaanka nabad & degenaansho kusoo dabaalida dalka Soomaaliya,” sidaasi waxaa yiri Madaxa EU Somalia Michele Cervone d’Urso.
Wuxuu sheegay in Midowga Yurub oo Naf-dhabar u yahay Horumarka dalka Soomaaliya, isagoo xusay inay taageero siiyeen Maamulada Axmed Madoone & Shariif Xasan, sidoo kalena ay caawin doonaan midka Gobolada Dhexe.
“Midowga Yurub waa Saaxiibka ugu weyn ee Somalia ka caawinaya Horumarka, soo celinta Nabada & dhismaha Maamulo Gudaha ah, waxaana DFS ka caawinaa arrimaha diblomaasiyadda,” ayuu yiri Michele Cervone d’Urso.
Idale News Online – Muqdisho
