Muqdisho(INO)-Taliyihii Nabad sugidda ee degmada Afgooye ayaa u geeriyooday dhaawac ka soo gaaray dagaal ka dhacay inta u dhaxeysa Afgooye iyo Mareerey.
Wararka ay heleyso Saadaal Media ayaa sheegaya in taliyihii Nabad sugidda Afgooye Liibaan Abuukar Yuuyuu uu xalay ku dhintay Isbitaalka Madiina ee Muqdisho.
Dhinaca kale, weerar ayaa xalay ka dhacay degmada Afgooye kaasoo khasaaraha ka dhashay ay ka soo baxayaan warar kala duwan.Qof ku sugan Afgooye ayaa sidan inoo sheegay:
“Meel Koontaroolka magaalada ah ayaa xalay Alshabaab soo weerareen ciidanka dowladda ayaa ku sugnaa cabbaar ayaa rasaasta la maqlayay” ayuu yiri.
Warar madax-bannaan oo aan ka helnay Afgooye ayaa ku warramaya in Alshabaab ay qaateen baabuur ay lahaayeen ciidanka dowladda.
Idale News Online, Afgooye
