Qaar ka mid ah Xildhibaanada Soomaaliya iyo Siyaasiinta ku nool Magaalada Muqdisho ayaa sheegay in Faarax C/qaadir Wasiirka Garsoorka Soomaaliya oo ku tuntay Garsoorkii Dalka Soomaaliya oo Koox gooni ah Gacanta u galiyey.
Cabdi Barre ayaa Xusay in Dal Garsoorkiisii uu sidaas yahay ay adag tahay in uu soo laabto Amaan ahaan iyo Dhaqalo ahaan inta badan sida uu yiri.
Sidoo kale Salaad Cali Jeele oo Dowladdihii KMG ahaa Xilal ka soo qabtay ayaa sheegayin Faarax C/qaadir uu yahay Shaqsi ku Caanbaxay Qabyaalad iyo Musuq maasu islamarkaana aan ku habooneeyn in uu Xil u qabto ummadda Soomaaliyed.
Salaad Cali Jeele ayaa sheegay in Dalka Soomaaliya Garsoorkiisa uu yahay meel hada laga Cararo oo Dadka aysan helin Cadaalad dhankasta ha katimaadee.
Inta badan Bulshada Reer Muqdisho iyo Soomaalida inteeda kale ayaa waxaa ka soo baxaya Cabasho iyo Dhaleeceen ku aadan Gorsoorka Dalka,kuwaas oo sheegaya in Garsoorkii Dalka uu God ku dhacay.
Idale News online – Xafiiska Waqabadka Gobolada KG Soomaaliya, Baydhabo Janaay.
