Booliska dalka Kenya ayaa sheegay in Dablay hubaysan oo kamid ah Kooxda Al shabaab inay ku toogteen Magaalada Xeebta leh ee Mombasa Sarkaal Ciidan.
Sarkaalka la dilay oo kamid ahaa Booliska Kenya, ayaa magaciisa lagu sheegay Simon Cheruko kaasi oo ay Kooxd hubaysan toogatay xilli uu illaalo ka ahaa Hebeenkii Khamiista Goob lagu caweeyo oo ku taalla Bombasa, sida uu Wakaaladda Wararka Xinhua u sheegay Taliyaha Booliska Mombasa Robert Kitur.
“Dablaydu waxa ay Simon Cheruko oo Ciidanka u shaqeynayay 17 Sano ka toogteen meel aan ka fogeyn halka uu illaada ka ahaa ee Kalabka, halkaasi ayuuna ku dhintay markii danbe, kuwa Dilka fuliyay Majengo ayay u baxsadeen inta aan Ciidanka Booliska imaan,” ayuu yiri Robert Kitur.
Dilka Sarkaalkan ayaa imaanaya Mudo Bil kadib oo Magaalada Mombasa ay la degeen Dilal uu ku jiro mid looo geestay Sarkaal kamid ahaa Ciidanka Debi-baarisya & Qaraxyo, kuwaasi oo sababay inuu hoos u dhaco dalxiiskii imaan jiray Magaaladaasi.
Idale News Online, Mombasa, Kenya
