Muqdisho (INO) — Waxaa Xaley lagu dilay Muqdisho Mas’uul kamid ah Mas’uuliyiinta Maamulka Gobolka Banaadir.
Saddex Dhalinyaro ah oo ku hubaysanaa Bastoolado ayaa toogtay Xuseen Cabdi oo kamid ahaa Gudoomiyaasha Waaxaha Degmada Xamar-jajab, sida uu warbaahinta u xaqiijiyay Gudoomiyaha Degmadaasi Axmed Cusmaan Dhoore.
Dilka waxaa uu ka dhacay Meel u dhaw Guriga Marxuumka, iyadoo kuwii dilay ay baxsadeen, waxaana Goobta soo gaaray Ciidanka DFS oo sida caadada ah Howlgallo sameeyay.
Waa Dilkii 2-aad oo Mudo 12 Saacadood Muqdisho loogu geesto Mas’uul kamid ah Dowladda Soomaaliya.
Idale News Online – Muqdisho
