Madaxweyne kuxigeenka Maamulka Konfur Galbeed Somalia Mudane Maxamuud Sayid Adan ayaa waxaa uu markii ugu horeysay ka hadlay Socdaalka Raisalwasaraha Somalia uu ku jogo Magaalada Kismaayo..
Maxamuud Sayid Adan ayaa waxaa uu sheegay in Raisalwasaraha uu wado qaldan u maray howlaha uu hada ka wado Magaalada Kismaaayo.
Waxaa uu sheegay Madaxweynaha ku xigeenka Maamulka Konfur galbeed Somalia in waxaa kismaayo ka dhacay aysan ahayn wax sahlan oo ku kooban Ciidamo gadoday balse waxaa meesha ka dhacay Xasuuq, Baracicin shacab, Ganacsato iyo waliba Odayaashi Dhaqanka Beesha oo ay wada gaysten Ciidamada Kenya iyo Jabhada Raskambooni.
Maxamuud Sayid adan waxaa uu ayaan dar ku tilmaamay in dhaaman Gabod faladaasi lo gaystay Shacabka Kismaayo uu RW Cabdiweli iska indho tiray islamarkana uu u hilobay dadkii dhibatada intaas le,eg u gaystay Shacabka Jubboyinka marti uu u yahay.
Asagoo hadalkiisa sii wata Maxamuud sayid aadan ayaa waxaa uu Raisalwasaraha Somalia ku edeyay in uu dhaqmaayo sidii shaqsi ka mid ah Taageereyaasha Jabhada Raskambooni oo ayadu xasuuq indho la,an ah ka wada Magaalada Kismaayo.
Ugu danbeyn Maxamuud Sayid Adan waxaa u ugu baqay Raisalwasaraha Somalia in uu si cadaalad ah u wajaho arimaha Kismaayo hadusan taas sameynina uu ku fashilmi doono.
Idale News Online, Baydhaba
