Baydhabo(INO)-Gudoomiye Ku xigeenka Cusub Ee Dhanka Arimaha Bulshada Ee Gobolka Bay Mudane Faysal Cabduqaadir Faysal oo dhowaan loo magacaawey xilkaasi ayaa ka hadley magacaawistiisa iyo weliba dar-dar galinta Hawlaha Shaqadda Ee Gobolka Bay.
Ugu horeyn wuxu u mahad celinayay Shacabka Weynaha KG Soomaaliya gaar ahaan Kuwa ku dhaqan Gobolka Bay sida ay usoo dhoweeyeen magacaawista Maamulka cusub Ee Gobolka Bay Oo Dhawaan ku dhawaaqdey Wasaaradda Arimaha Gudaha iyo Dowladaha Hoose Ee Dowladda KGS.
Faysal, ayaa balan qaadey arimo badan oo uu wax ka qaban doono isla markaana la xariira dhanka arimaha bulshada Ee Gobolka Bay, Waxana uu ka codsadey bulshadda Gobolku inay la shaqeeyaan Maamulka Cusub Ee Gobolka Bay.
Gudoomiye Faysal Oo hadalkiisa Sii wata ayaa sheegey in uu waxyaabo badan ka qaban doono arimaha bulshada Ee Gobolka Bay, oo asaga loo xilsaarey sida dib usoo celinta fanaaniinta taariikhda ku lahaa Gobolka Bay oo hada qurbaha iyo gobolada qaar kunool.
Sidoo kale Gudoomiyahu wuxu tilmaamey inuu ku daalayo Isku xirka Ururada Dhalinyarada, Haweenka, Aqoonyahanada iyo dhamaan wixii arimo bulsho ka shaqeeya oo ay ka mid yihiin hay’adaha maxaliga ah isla markaana Waxaa uu tilmaamey inuu kaashanayo Bulshada iyo Dowladda KGS.
Ugu dambeyntii Maamulka cusub Ee Gobolka Bay iyo Kan Degmada Baydhabo ee Xarunta Gobolka Bay Oo Dhawaan la magacaawey ayaa waxa laga dhex arkayaa Ragg caan ku ah Gobolka Bay isla markaana La Soo Shaqeeyeen Hay’ado Caalami ah, waxaan la tuhunsan yahy inay wax badan ka bedeli doonaan Amniga, Arimaha Horumarinta Gobolka , wax kaqabashadda Arimaha bini’aadanimada ,Caafimaadka iyo Weliba Waxbarashadda Gobolka Bay.
Mustafe Garabey, Idale News Online, Baydhabo
