Muqdisho(INO)-Shalay Ciidamada Milatariga Soomaaliya waxaa Degmada Ceelwaaq ee Gobolka Gedo ay ku qabteen Sargaal sare oo ka tirsan Al-shabaab islamarkaana lagu Magacaabo Sakariye Cismaaciil Xirse oo la sheegay in uu ahaa Kuxigeenkii Hogaamiyihii Al-shabaab Axmed Cabdi Godane.
Intaa ka dib ayaa Dowladda Kenya waxaa ay Dalbatay in loo soo gacan galiyo Sakariye oo Dowladda Mareykanka iyo Dowladdaha Dariska ay baadigoobayeen .
Cabaas Maxamed Gureey oo ah Taliyaha Ciidamada Milatariga ee Gobolka Gedo ayaa Warbaahinta u sheegay in aysan Kenya ku Wareejineyn Sakariye Cismaaciil Dowladda Soomaaliya kaliya lagu wareejinayo,Maadaama uu Sakariye Al-shabaab ka baxay Sanad iyo Bar ka hor.
Halkan Ka Dhageyso.
Sakariye ayaa Dowladda Mareykanka waxaa Sanadkii 2012 ay Madaxiisa Duldhigtay Lacag gaareeysa 3Milyan oo Dollar,asaga iyo Saraakiil kale oo Al-shabaab ka tirsan qaar koodna la dilay.
Idale News Online, Muqdisho
