Baydhabo(INO)__Magaalada Baydhabo Ee Xarunta Gobolka Bay, ayaa Habeenkii xaley Lagu diley labo Qofood oo Midkood yahay Malaaq aad Caan ugu ah Koonfurta Soomaaliya , Malaaq ayaa layiraahdaa Malaaq Madsabarow iyadoo sidaasoo kale Magaalada lagu dilay Ninka kamid ah Shacabka magaalada Baydhabo oo layiraahdo Kalifowye .
Lamana oga cida falkaasi dilka ah ka danbeysa oo lagu dilay Malaaqa iyo Ninka rayidka ah.
Magaalada Baydhabo ayaa maalinba maalinta kadanbeysa waxaa ka dhacay dilal loo geysanayo Nabadoonada , Culamaa’udiinka iyo waxgaradka , iyadoo ilaa iyo Hada aan jirin cid loo soo qabtey , Magaalada waxaa Jooga Ciidamo AMISOM iyo Ciidamada Dowlada Soomaaliya kuwaasoo Markii dil uu dhaco ay qabqabtaan Dhalinyaro tira badan .
Maxamed Xasan Aadan oo kamid ah Aqoonyahanada Gobalka ayaa Warbaahinta u sheegey in wax Maamul aysan Ka Jirin Gobalka Bay , Iyadoona Habeen waliba Dil ka dhaca Magaalada Baydhabo isla markaana lala beegsanaayo Culamada iyo Nabadoonada , mana jirto Talaabo lagu Badbaadinayo shacabka Mar waliba lagu dilayo Guryahooda.
Ugu dambeyntii, Magaalada Baydhaboa ayaa amaankeedu sii xumaanayay bilihii ugu dambeeyey iyadoona magaaladaasi horey looga diley tiro dad ah oo ay ku jiraan Malaaqyo, culumaa’udiin, iyo wariye Da’uud Cali Cumar, isla markaana Maamulka Koonfur Galbeed Soomaaliya aysan sameynin qorshe lagu sugaayo amaanka Magaaladaasi.
Idale News Online, Xafiiska Baydhabo
