Baydhabo ( INO)-Ra’iisul Wasaaraha Xukuumadda Federaalka Soomaaliya Cumar Cabdirashiid Cali Sharmarke iyo Madaxweynaha Dowlada Koofur Galbeed Shariif Xasan Sheekh Aadan ayaa kulan albaabada u xiran yihiin ku yeeshay Magaalada Baydhabo ee xarunta Gobolka Bay.
Masuuliyiintaan oo kulankooda ay Saxaafadda dibad joog ka ahayd ayaa wasiiro ka tirsan Dowlada Koofur Galbeed oo aan qadka Taleefanka kula xiriirnay oo diiday in aan Magacooda iscticmaalno sheegeen in ay ka wada hadleen arrimo ay ka mid yihiin dadajinta Baarlamaanka Dowalda Koofur Galbeed.
Xulista Xildhibaanada Koofur Galbeed ayaa qaadatay muddo dheer taas oo dadka qaar ay u sababeeyeen khilaaf hareeyay Odayaasha dhaqanka loo xil saaray soo xulistooda.
Dowlada Koofur Galbeed ayaa ka kooban Gobollada Bay , Bakool iyo Shabeelaha Hoose kuwaas oo la doonayo in ay ka kala yimaadaan Xildhibaanada maamulkaas.
Idale News Online, Xafiiska Baydhabo
