Baydhabo(INO)- Saraakiil Ka Socodan Booliska DF Soomaaliya iyo AMISOM oo maanta Safar shaqo ah ku yimid Magaalada Baydhabo ee xarunta Gobolka Baay, isla markaana Ujeedaka safarkoodu ahaa Siidii Baydhabo uga soo furi lahaayeen Tababar Ciidanka dhibow cusub oo loo qaatay in ay ku soo biiraan ciidanka Boliiska KG soomaliya tiradooduna gaarayso 200, kuwaasoo loo tababaraayo inay sugaan amaanka Gobolka Shabellaha hoose.
Xaflad lagu qabtay Hoolka Shirarka ee Baarlmanaka Dawlad goboleedka Koonfur Galbeed Soomaaliya ayaa waxaa goob joog ka ahaa Wasiirka hub ka dhigista dhaqan celinta iyo tababaradda Maleeshiyaadka KGS ahna kusimaha Madaxwayanaha KGS Xasan Xuseen Maxamed, Wasiirka tirsan KGS, Taliyaha Boliiska AMISOM Mr. Anand Billay, Maamulka Gobolka Bay, Saraakiisha Boliiska Gobolka Bay,Taliyaha Ciidamada Booliska KGS Gen. Ibrahim Macalin Kutub iyo Gudoomiyaha Maamulka Degmada Baydhabo.
Ugu dambeyntii, Ciidanka Tababarka loo furayay ayaa ka muuqatay qiirad iyo in ay diyaar u yihiin sidii ay Tababarkooda uga faa’idaysan lahaayeen, waxayna soo bandhigeen kartidooda iyo habka ugu wanaagsan ee loola dhaqmo Bulshada isla markaana loo sugo nabadgelyada.
Halkan Ka Daawo
Idale News Online, Baydhabo
