Baydhabo (INO)- Qarax ay dad rayid ah waxyeelo kasoo gaartay ayaa Xalay wuxuu ka dhacay deegaanka Bardaale oo gobalka Bay ka tirsan.
inta la ogyahay hal qof oo Haweeney ah ayaa ku dhimatey, ilaa 4 kalena way ku dhaawacmeen qarax xaley ka dhacey Degmada Berdaale ee Gobolka Bay.
Qaraxa ayaa wuxuu ka dhashay Qarax laga soo dhex galiyey Alaab oo la rabey in lala eegto Ciidamo dowladda Koonfur galbeed Soomaaliya ka tirsan. Inkasta ooo sida Uu Warbaahinta Idale News Online u sheegey Gudoomiyaha Degmadaas Weedow Xasan inaanay jirin khasaara askarta soo gaartay.
Saraakiil Ciidamada dowladda KGS ka tirsan ayaa lagasoo xigtay in Afar ruux oo dhalinyaro ahaa kuna sugnaa agagaarka halka uu Qaraxu ka dhacay ay dhaawacmeen. Waxayna ilo-wareedyada Ciidamada ka tirsani fogeeyeen jiritaanka wax khasaaro ah oo Ciidankii la beegsanayay soo gaaray.
Dadka deegaanka ayaa lagasoo xigtay in marka uu Qaraxu dhacay ka dib ay jireen rasaas dhowr ah oo ay Ciidamada dowladdu rideen, waxaana dadku ay walwal ka dareemeen rasaasta iyo qaraxa. Walow xaaladu markii dambe ay iskeed u hagaagtay.
Wararku waxay sheegayaan in askarta la doonayey in lagu tuuro bamka ay ka mid ahaayeen Ciidamo dhawaan tababar ku qaatay deegaanka oo loo diyaarinayay inay la wareegaan sugitaanka amniga.
Ugu dambeyntii, Gudoomiyaha Degmada Berdaale oo La hadley Warbaahinta Idale News Online waxa uu sheegey inay ku dadaali doonaan joojinta falalkan oo ay mas’uuliyadooda dusha kaga tuureen Alshabab.
Halkan Ka Dhageyso
Idale News Online, Berdaale
