Cadaado (INO) – Maamulka Ximan & Xeeb ayaa u diiday Ciidan Ethiopian ah oo kasoo baxay Maanta Magaalada Dhuusamareeb inay galaan Gudaha Cadaado.
Ciidanka Eithiopia oo wata Gaadiidka gaashaaman ayaa waxay ku xayiran yihiin Deegaanka Mareer-Gud oo ku yaalla Duleedka Magaalada Cadaado, halkaasi oo is-hortaag ku sameeyeen Ciidanka Maamulka Ximan & Xeeb.
Ujeedka Ciidanka Eithiopia ay ugu socdeen Cadaado ayaa ah sidii ay u sugi lahaayeen Amaanka Madaxweyne Xasan Sheekh oo Maalinta Sabtida ah la filayo inuu furo Shirka Maamul u samaynta Gobolada Dhexe oo Cadaado ka dhacaya.
Wadahadalo ayaa socda si Ciidanka Eithiopia loogu ogolaado inay tagaan Cadaado, iyadoo Maamulka Ximan & Xeeb si aad ah u diidan yahay Hadalkii MD Xasan ee ahaa in Dhuusamareeb ay tahay Caasimadda Maamulka la dhisayo ee Gobolada Dhexe.
Ximan & Xeeb ayaa sheegay inaysan taageersanayn Go’aanka MD Xasan Sheekh uu ku gaaray inay Dhuusamareeb noqoto Xarunta Maamulka Gobolada Dhexe, waxaana laga yaabaa in Khilaafkan cusub uu sii daba-dheereeyo Dhisamaha Maamulka Gobolada Dhexe.
Idale News Online – Cadaado
