Garowe(INO)-Wararka naga soo gaaraya Magaalada Garoowe, ayaa sheegaya in Taliyayaasha Ciidamada Militeriga Puntland, ay wadaan qorsho duulaan loogu qaadayo Buuraaleyda Galgala.
Wararku waxa ay sheegayaan in duulaankaasi ay ka qeybqaadan doonaan Saraakiil ka soo jeeda dalka Ethiopia kuwaasi oo iminka ku sugan Magaalada Garoowe.
Sidoo kale, qorshaha duulaankaani ayaa waxaa ka qeybqaadan doono ciidamada Puntland kuwooda ugu tababarka fiican, si halkaasi looga saaro Maleeshiyaadka kusii xoogeysanaya.
Buuraaleyda Galgala ayaa waxaa kusii kordhaayo Maleeshiyaadka Alshabaab ee baxsadka ka ah Gobolada Dalka, kuwaasi oo inta badan cadaadin adag kala kulmay Ciidamada DF Somalia iyo kuwa AMISOM.
Dajinta qorshahaani ayaa waxaa la tilmaamayaa inuu socdo muddo Laba asbuuc ah, ka gadaal markii rajo xumi laga muujiyay awoodaha ay Maleeshiyada ku yeelanayaan Galgala.
Idale News Online, Garowe
