Jabuuti((INO/Agency) — Wafdi uu hoggaaminayo madaxweynaha Dowlada KoonfurGalbeed Soomaaliya, Shariif Xasan Sheekh Aaden ayaa goor-dhow ka dagay garoonka diyaaradaha ee magaalada Jabuuti Ee Dalka Jabuuti, halkaa oo si diirran loogu soo dhaweeyay.
Madaxweynaha Shariif Xasan iyo wafdigiisa ayaa waxaa soo dhaweeyay mas’uuliyiin ka tirsan Dalka Jabuuti iyo wasiiro, iyadoo loo qaaday dhinaca madaxtooyada Jabuuti.
Booqashada Madaxweyne Shariif Xasan Sheekh Aadan oo ah tii ugu horreysay ee uu ku tago Magaalada Jabuuti tan iyo markii loo doortay xilka madaxweynenimada ayaa wararku waxay sheegayaan inay tahay mid uu ku doonayo inuu Dowlada Jabuuti Iskaashi kula sameeyo.
Madaxweynhe Shariif Xasan Sheekh Aaden oo horay uga tirsanaa xildhibaannada baarlamaanka ayaa loo xilka madaxweynaha Dowlada Koonfur-galbeed loo doortay 17-kii bishii hore ee November ee sanadkii Tagey, kaddib muran iyo buuq badan oo sameynta maamulkan ka dhashay, isagoona inta badan lagu eedey in waqtigiiu uu ku dhameystey Safaro.
Ugu dambeyntii, Sida la sheegaya in wafdiga ay la kulmi doonaan mas’uuliyiinta Dalka Juabuuti, inkastoo aan weli la ogeyn sida La sheegayo inta maalmood ee ay qaadan doonto booqashada uu Shariif Xasan ku tagay Magaalada Jabuuti.
Idale News Online, Jabuuti
