Nairobi ( INO)-Madaxweynaha Dowladda Kenya, Uhuru Kenyatta iyo Wasiirka Arrimaha Dibadda ee Dalka France ayaa waxey si qoto dheer uga wada hadleen Xaalada amaan ee Dalalka Soomaaliya, South Sudan iyo Burundi.
Madaxweyne Uhuru Kenyatta ayaa Wasiir Jean-Marc Ayrault waxuu u sheegay in Urur Goboleedka IGAD ay shir ka yeelan doonaan xaalada guud ee Dalka South Sudan.
Isagoo ka hadlaya dhaaqalo dhimista lagu sameeyay howlgalka AMISOM, ayaa Madaxweyne Kenyatta waxuu ka dalbaday Faransa in ay gacan ka geysato sugida amaanka Gobolka.
“Waa in aan qabanaa wax badan oo lagu nabadeyn karo Dalka Soomaaliya, balse maahan xiligii Ururka Midowga Yurub uu dhaqaalo dhimis ku sameyn la haa howlgalka AMISOM” ayuu yiri Kenyatta.
Wasiir Jean-Marc Ayrault ayaa u balan qaaday Madaxweyne Kenyatta in Dowladda France ay dhanka amaanka ka taageeri doonto Xukuumadda Nairobi iyo Dowladaha kale ee dariska la ah.
Mr. Jean-Marc ayaa Dowladda Kenya waxuu ku amaanay Dowlada Kenya doorka ay ka qaadaneyso soo celinta Nabada iyo Xasiloonidii ka jirtay Dalalka Soomaaliya iyo South Sudan.
Sikastaba, Hadalka Madaxda Dalalka Kenya iyo France ayaa wuxuu imaanayaa maalmo un kadib markii Al Shabaab ay Weerar xoogan siyaabo kala duwan ay uga fuliyeen qeybo ka mid ah Dalalka Kenya iyo Soomaaliya.
