Garowe-(INO)-Banaanbax ay soo abaabuleen shacab ku dhaqan Magaalada Garoowe oo looga soo horjeedo dhaqdhaqaaqa maamulka Soomaaliland uu ka wado gobalada Sanaag iyo Haylaan ee Puntland ayaa maanta ka dhacay Magaalada Garoowe.
Dibax-baxan oo ahaa mid aan horay loo sii qorshayn ayaa ka bilowday magaalada, waxaana waddooyinka halbowlaha ah ee dhexmarta Garowe socod ku marayay dadweyne ku dhawaaqaya ereyo ka dhan ah maamulka.
Dadweynaha baanbaxa samaynayey oo watay boorar ay ku qoranyihiin ereyo looga soo horjeedo Soomaaliland ayaa hor istaagay xarunta Baarlamaanka Puntland ee Magaalada garoowe mana jirin masuuliyiinta ka tirsan dowladda ama xubanaha Baarlamaanka oo dadweynaha la hadlay.
Isu-soobaxan ayaa noqonay kii ugu horeeyay oo laga sameeyo dhaq-dhaqaaqyada xukuumadda Soomaalilad ka wado waxaana uu kusoo beegmay xilli dhawaan ciidamo katirsan labada dhinac dagaal ku dhexmaray deegaanka Booda-cad oo u dhow degmada Dhahar.
Hoos Ka Daawo Sawirradda.
____
Xafiiska Warqabadka Idale News Online, Baydhabo
Email: Idalenewsonline@gmail.com Baydhaba Janaay.
