Baydhabo(INO)- Magaalada Baydhabo Ee Xarunta Gobolka Bay, waxa ka furmey Tababar ku saabsan Maamul wanaaga oo loo qabtey Dhamaan Maamulada Gobolada Iyo Degmooyinka Ee 3da Gobolada Ee Koonfur Galbeed Soomaaliya.
Munaasanada Furitaanka waxa ka hadley Gudoomiyaha Gobolka Bay C/rashiid C/Laahi LFC , Gudoomiyaha Degmada Baydhabo C/laahi Cali Watiin iyo Gudoomiyaha Gobolka Shabellaha hoose C/qaadir Nuur Sidii iyo Wasiirka Hubka Dhigista, Dhaqan celinta iyo tababarada Maleeshiyaadka Xasan Xuseen Maxamed ahna Ku simaha wasiirka Arimaha Gudaha iyo Dowladaha Hoosee .
“Barnaamijkaan wuxuu ku saabsan yahay maamul wanaaga ,waxaana loo qabanaya Gudoomiyaasaha Gobolada Iyo Degmooyinka KGS sadex beri ayuu socdoona barnaamijkani, runtii waxaan filayaa in wax badan laga faa ‘iideeysan doono oo ku saabsan maamul wanaaga iyo dowladnimada ” ayuu yiri Gudoomiyaha Gobolka Bay C/rashiid LFC.
Wasiirka Hubka Dhigista, Dhaqan celinta iyo tababarada Maleeshiyaadka Xasan Xuseen Maxamed ahna Ku simaha wasiirka Arimaha Gudaha iyo Dowladaha Hoosee Dowlad KG soomaaliya ayaa kula dar daarmay xubnaha ka qeyb galaya Tababarka ineey noqdaan kuwa ka faa;ideeysta waxa la baranayo siminaarka ee la xariira maamul wanaaga iyo dowladnimada isagoo dhinaca kala uga mahad celiyay Hay’ada TIS/USAID.
Ugu dambeyntii, Tababarkan ayaa waxaa iska kaashadey Hay’ada TIS/USAID iyo wasaaradda Arimaha Gudaha Ee Dowladda Koonfur Galbeed Soomaaliya, dhamaan mas’uuliyiinti ka hadsahey Furitaanka tababarka waxay ka sheekeyeen Ahmiyadda Maamul wanaaga.
Halkan Ka Daawo:
Idale News Online, Xafiiska Baydhabo
