Bristol (INO) — Muwaadinkan Soomaaliyeed oo 35 jir ah, laguna magacaabo Amiin Xuseen ayaa Maxkamad ku taalla Dalka Britain waxey ku riday xukun labo sano iyo bar ah oo xabsi ah, kadib markii lagu helay in uu isku dayay afduubka Gabar 10 jir ah.
Amiin Xuseen ayaa sidoo kale lagu eedeeyay in uu argagax geliyay Gabadhaasi yar xili ay ku sugneyd Suuq laga dukaameysto oo ku yaalla Magaalada Bristol ee Dalka Britain.
Waxaa Amiin Xuseen uu yimid Dalka Britian Saanaddii 2009-kii iyadoona Maxkamada la horkeenay 20 Kiis oo ku aadan dambiyo kala duwan uu Ninkan ka geystay Dalkaasi.
Haweeneyda dhashay Gabadha la handaday ayaa shaaca ka qaaday in ay isaga guurayaan Magaalada Bristol, kadib markii sida ay sheegtay halkaasi lagu argagax geliyay Gabadheeda.
Waxaa ay sidoo kale sheegtay in Maxkamada ay ka rajeyneyso in xukun dheer ah ku rido Amiin Xuseen oo ka mid ah Muwaadiniinta Soomaaliyeed ee ku nool Dalka Britain.
Ugu dambeyn, Muwaadinkan Soomaaliyeed ayaa xirigiisa ku dhamaasanaya Xabsi ku yaalla Magaalada Bristol ee Dalka Britain.