Muqdisho(INO)-Ugu yaraan 9-qof oo lix ka mid ah ay yihiin kooxihii weerarka soo qaaday ayaa ku dhintay Qarax iyo weerar toos ah oo lala beegsaday Maqrib-nimadii Caawa Hote Wehiye oo ku yaalla Waddada Maka Al-Mukarama ee Magaaada Muqdisho, iyadoo wararku ay sheegayaan in kooxo hubeysan ay gudaha u galeen Hoteelka.
Weerarkan ayaa waxaa ku dhintay dad deggenaa hoteeka Wehliye, iyadoo kooxo ka mid ah kuwii weerarka soo qaadayna ay ku dhinteen qaarkood weerarka. Iyadoo aan si dhab ah oo ogeyn khasaaraha dhimashada iyo dhaawaca inta ay le’eg yihiin.
Inkastoo aysan jirin warar sugan oo weerarkan ku saabsan ayaa haddana waxaa weli ka dhacaya Hoteelka Wehiye rasaas xooggan oo ay geysanayaan kooxihii hubeysnaa iyo ilaaladii hoteeka oo la sheegayo inay gudaha hoteeka weli ku dhex-dagaaamayaan.
Dhanka kale, wararka ayaa intaas ku daraya in Qarax kale lagu weeraray Hoteel ku yaalla meel ku dhow Madaxtooyada Somalia, inkastoo aan la ogeyn khasaaraha rasmiga ah ee ka dhashay, waxaana la xiray gabi ahaan isku socodka Waddada Muhiimka ah ee Maka Al-Mukarama.
Ururka Alshabaab ayaa sheegtay in uu ka dambeeyay weeraradan ka dhacay magaalada Muqdisho. Afhayeenka ururka Alshabaab Sh.Cali Maxamuud Raage Sh.Cali Dheere ayaa u sheegay wakaalada wararka ee Reuters in ay ka dambeeyeen weerarada lagu qaaday hotelada Siyad iyo Weheliye,
Warkan Wixi Ka Soo Kordho kala Soco Idale News Online.
Idale News Online, Muqdisho
