Wararka laga helaayo Degmada Janaale ee Gobolka Shabeellaha Hoose, ayaa waxay sheegayaan in Xaley la weeraray hoygii uu Degmadaasi Janaale ka degganaa nin shacab ahaa.
Xoogagaan, ayaa waxay xoog hoygiisa kaga wateen ninkaasi, waxayna ku dileen meel ku dhow hoygiisii, isla-markaana lama yaqaano waxa keenay in ninkaasi la dilo.
Ninkaan, ayaa waxaa lagu magacaabi jiray C/laahi Cadaani Hiiraale, wuxuuna ka mid ahaa dadka deegaan ahaanta ka soo jeedo Degmada Janaale, oo ku dhow Magaalada Marka.
Ciidamada Dowladda Soomaaliya oo gaaray halka lagu dilay marxuumka, ayaa waxaan jirin cid ay dilkiisa u soo qab qabteen, iyadoona ay baxsadeen kuwii dilka geystay.
Cadaani Hiiraale oo ah aabaha dhalay ninkii la dilay, ayaa wuxuu si kulul uu u cambaareeyay kuwii dilay wiilkiisa, iyadoo uu wiilkiisa la joogay guriga markii la soo weeraraayay.
Idale News Online, Janaale.
