Dawladda Maraykanka ayaa si adag u cambaaraysay weerarkii al shabaab ay ku qaadeen deegaanka Mpeketoni ee dalka Kenya.
Warsaxaafadeed ka soo baxay wasaaradda arrimaha dibadda ee Maraykanka ayaa lagu sheegay in dawladda Maraykanku tacsi u dirayso dadkii ay eheladoodu ku geeriyoodeen weerarkaasi.
Waxa sidoo kale dawladda Maraykanku ay sheegtay inay caafimaad u rajaynayaan dadka ku dhaawacmay weerarka.
Warsaxaafadeedka ka soo baxay wasaaradda arrimaha dibadda ee Maraykanka ayaa lagu sheegay in weerarada noocan oo kale ah aanay ahayn wax la aqbali karo.
Idale News Online, Washington.
