Dabley hubeysan ayaa ku dishay gudaha degmada Wardhigley guddoomiye ku xigeenkii degmadaas Maxamed Axmed Taako.
Wararka ayaa sidoo kale waxa ay sheegayaan in weerarka lagu qaaday guddoomiye ku xigeenka ay ku dhaawacmeen labo ka mid ah ilaaladii la socotay.
Dilka loo geystay guddoomiye ku xigeenkii degmada Wardhiigley ayaa noqonaya dilkii labaad ee loo geysto guddoomiye ku xigeen degmo inta lagu gudo jiray bisha Ramadaan, waxana hore loogu dilay guddoomiye ku xigeenkii degmada Yaaqshiid Raxmo Daahir Siyaad.
Magaalada Muqdisho ayaa bisha Ramadaan ee sii dhamaanaysa waxaa ka dhacay dilal iyo qaraxyo aan la soo koobi karin taasoo iyadoo waxyeelo ay ka soo gaartay weeraradaas dad rayid ah iyo qaar kale oo la shaqeeya dowlada Federalka.
Idale News Online Mogadishu
