Dhadhaab(INO)-Dadka Naafada Soomaalida ah ee ku nool xeryaha qaxootiga Dhadhaab ee dalka Kenya ayaa ammaanay tilaabadii uu madaxwaynaha Dowlada Koonfur Galbeed Soomaaliya ku magacaabay wasiirka arrimaha gargaarka iyo daryeelka naafada.
Qaar ka tirsan dadkaas oo la hadlay warbaahinta ayaa Madaxweyne Shriif Xasan Sheekh Aadan uga mahadceliyay tallaabadaas oo ay ku tilmaameen mid muujinaysa ilaalinta xuquuqda aadanaha, gaar ahaanna naafada.
Waxay sheegeen inay wasaaradda ka rajeynayaan inay wax ka baddali doonto duruufta adag ee ay ku noolyihiin dadka uusan dhammayn laxaadkooda.
Dowladda Soomaaliya, maamul-goboleedyada dalka Ka Jira iyo hay’adaha gargaarka ayay ka dalbadeen inay ilaaliyaan xuquuqda dadka naafada ah.
Ugu Dambeyntii Dadkaan ayaa xusay in naafada Soomaalida ahi aysan marna helin daryeelka ay mudan yihiin.
Idale News Online, Dhadhaab, Kenya.
