Kismaayo(INO)-Wararka Shabakada Shabakadda Idale News Online ay ka helayso shaqsiyaad ku sugan Madaxtooyada Kismaayo ayaa noo xaqiijiyey in, abaabulkii dhismaha Baarlamaanka deegaanada Jubbooyinka ee maalmahan ka socoday Magaalada Kismaayo, uu xiligan galay waji cusub isla markaan la joojiyey gabi ahaanba hawlhihii dhismaha Baarlamaanka Jubba gudiyadii shaqooyinkaas hayeyna Habeenimadii xalay lagu wargaliyey in ay Joojiyaan hawlaha Baarlamaanka.
Wararka oo aan ka helay Madaxtooyada Kismaayo ee xarunta Gobolka Jubbada hoose ayaa sheegaya in arinta ay sabab u tahay khilaaf xoogan oo gudaha Kismaayo ka jiray kaas oo Beelaha deegaanku ku kala aragti duwanaadeen habka loo dhisayo Baarlamaanka Jubba,iyadoo xaalada guduhu ay gaadhay heer salaadiinta ugu dhawaa Hogaamiye Axmed Madoobe ay go’aan cad ka qaataan hawsha dhimaha Baarlamaanka Jubbooyinka.
Waxaa jira hadalo isdabo mar ah oo Madaxda Maamulka Jubba lagu haysto kuwaas oo ay kamid yihiin in ay isticmaaleen Magaca IGAD iyo Beesha Caalamka iyagoon sheegin qaab iyo wadad saxda ah ee loo tilmaamay in ay maraan taasina waxay keentay shaki wayn oo lagu hakiyey dhismihii Baarlamanka Jubbba ee xiligan Kismaayo loo fadhiyey.
Ugu Dambwyntii beelaha Raxanweyn ee dega jubooyinka ayaa saluugsan xulid baarlamanka jubba iyagoona hogaamiyaha jubba ay ku eedayeyey inuu caburin ku haayo isla markaana aaney ka hadlin karin qadiyadooda iyo fikirkooda baarlamanka, taasoo lid ku ah Heshiiskii dhawaan lagu saxiixey magaalada kismaayo.
Idale News Online, Kismaayo.
