Idale Somali News Update

Dowlada Mareykanka oo Ugu Baaqday Shacabkeeda in aysan u Safrin Dalka Jabuuti.

June 9, 2014

198

Wasaarada arimaha dibada ee dowlada Mareykanka ayaa soo saartay diginiin ku aadan safar muwaadiniinta Mareykanka ay u safraan dalka Jabuuti, kadib baqdin laga qaaday amniga dalkaasi.

Dowlada Mareykanka ayaa sheegtay in laga baqayo in Alshabaab oo doonaya inay weeraraan danaha Mareykanka ee qaarada Africa iyo dalka Jabuuti ay waxyeeleeyaan muwadiniinta Mareykanka ee ku sugan dalka Jabuuti.

Wasaarada arimaha dibada Mareykanka ayaa sheegay inay jiraan warbixino dhanka amniga oo ay helayaan oo ku wajahan xaalado dhanka amniga ee dalka Jabuuti iyadoo 24 kii May dalkaasi ay ka dhaceen qaraxyo waxyeelo geystay.

Alshabaab ayaa sheegtay masuuliyada weerarkii ka dhacay dalka Jabuuti kaasi oo sababay dhaawacyo soo gaaray ciidamo ajaaniib ah oo ku sugnaa dalkaasi Jabuuti.

Alshabaab ayaa jeediyay hanjabaado kala duwan waxii ka dambeeyay markii sanadkii 2011 ciidamada Jabuuti ay kamid noqdeen ciidamada AMISOM ee dalka Soomaaliya ku sugan.

Shaqaalaha safaarada Mareykanka ee Jabuuti ayaa dhankooda loo jeediyay inaysan aadin goobaha dadweynaha ay ku kulmaan ee kuyaala dalka jabuuti ayna ka fogaadaan goobahaasi.

Idale news Online, Washinton Dc. Nagala Soo Xariir Email: Idalenewsonline@gmail.com