Muqdisho (INO)– Xukuumadda Federaalka ah ee Soomaaliya ayaa soo saartay Digniin Cusub oo uga jawaabayso Maamulada Caadaystay Eragyga ah Xariirka ayaan u jarnay Dowladda Dhexe.
Wasiirka Warfaafinta Xukuumadda FS Maxamed Cabdi Xayir Maareeye ayaa sheegay in Mas’uuliyad Darro ay tahay Qof Mas’uul sheeganaya oo Halhays ka dhigta marwalba oo wax yar oo Khilaaf ah dhaco Xariirka ayaan u jarnay Dowladda.
Halkan Ka Dhageyso
Wasiirka ayaa uga digay Maamuladda inay yiraahdaan Xariirka ayaan u jarnay Dowladda, isagoo ugu baaqay in haddii ay wax tabanayaan ay yimaadaan Miiska Wadahadalka, islamarkaana ay ka hadlaan cawashadooda.
Maamul Goboleedyada ka jira dalkeena ayaa had iyo goor sheega in ay xiriirka u jareen ama ay ka fiirsanayaan xiriirka ay la lee yihiin Dowladda Fderaalka marka ay wax tabanayaan.
Maamulka Puntland ayaa soo billowday Erayga ah Xariirka ayaan u jarnay Dowladda Federaalka Axmed Madoobe ayaa raacay Wadadaadasi oo isna dhawaan sheegay inuu xariirka u jaray DFS.
Idale News Online – Muqdisho
