Muqdisho(INO)-Siyaasi Madoobe Ow-jaamac, oo kamid ah siyaasiyiinta Soomaaliyeed ayaa kula taliyay madaxweyne Xasan Sheikh inuusan soo magacaabin ruux horay xil ra’iisul wasaare soo qabtay oo la tijaabiyay, isagoo u sababeeyay in horay loosoo tijaabiyay Cumar C/rashiid Cali.
“Waxaa haboon in ruux horay loo tijaabiyay aan lasoo celin, oo fursada la siiyaa dadka kale ee aqoonta leh, waa in dadka mutacalimiinta ah ee aqoonta leh la keenaa, xoogaa waxaa ragaad iyo meeshaada joog noqonaya in qof lasoo tijaabiyay la keeno” ayuu yiri Siyaasi Madoobe Aw-jaaamac.
Halkan Ka Dhageyso Codka Siyaasiga Aw Jaamac oo U Digey Madaxweyne Xasan Sheekh.
Dhanka kale wuxuu talo u jeediyay madaxweynaha Soomaaliya Xasan Sheikh Maxamuud, isagoo kula dardaarmay inuu soo magacaabo shaqsi wax badan ka qaban kara xaaladaha hadda ka jirta dalka Soomaaliya.
“Dadkiinee badaha ayay ku dhamaanayaan, caafimaad daraa jirta, nolol xumaa jirta, marka waxaa haboon in la keeno qof wax ka badali kara arinta inna heysata”ayuu markale yiri Mr Aw-Jaamac.
Madaxweynaha Soomaaliya Xasan Sheikh Maxamuud, ayaa looga fadhiyaa inuu soo magacaabo ra’iisul wasaarihiisii seddexaad, maadaama ay isku dhaceen labadii ra’iisul wasaare ee hore.
