Mahadhaay(INO)-Ciidamada amaanka ee dawladda Soomaaliya ayaa saakadii hore weerar qorsheysan ku qaaday meel ay ku tuhmayeen Sarkaal sare oo ka tirsan dhaqdhaqaaqa Shabaab, kaas oo meeshan xalay soo gaaray, waana gobalka Shabeelada Dhexe.
Taliyaasha ciidamada dawladda ee jooga degmada Mahadaay ayaa sheegay in ay saakadii hore weerar qorsheysan ku qaadeen deegaanka Fiidow, oo ka tirsan degmada Mahadaay, halkaas oo uu fiidnimadii xalay soo gaaray Sarkaalkan Shabaabka ah.
Iska horimaad xoogan ayaa dhexmaray ninkan la qabtay Ilaaladiisa iyo ciidamada dawladda Soomaaliya, waxaana dhintay mid ka mid ah Ilaalada Sarkaalkan iyo dhaawaca 2 askari oo ka tirsan dawladda Soomaaliya ciidamadeeda lugta ee howlgalka fuliyey.
Magaciisa ayay diideen in ay shaaciyaan laamaha amaanku, waxa ayna sheegeen in ay saacadaha dhaw bixin doonaan faahfaahin dheeraad ah, ayagoo diiday in ay hada baahiyaan magaca Sarkaalkan.
Saraakiisha Shabaabka ayaa dhuumaleysi kuyimaada magaalooyinka waa weyn mararka qaarkood, waxa ayna soo galaan habeenkii taas oo ka dhigan in ay si dhaw dhaqdhaqaaqoda ula socdaan ciidamada dawladda Soomaaliya.
Halakn Ka Dhageyso.
Idale News Online, Mahadhaay.
