Xildhibaan Cabdi Max’ed Abti-doon ayaa ku eedeeyay madaxweynaha Soomaaliya inuu mas’uul ka yahay Kala Qeyb-sanaanta Ka dhex-jirta golaha Wasiirada Somalia.Wuxuu sheegay Abti-doon in tan iyo markii ra’iisal wasaaraha isku shaandheynta uu sameeyay ilaa iyo hada kala qeyb-sanaan ka dhex jiro Golaha wasiirada xukuumada Soomaaliya taasi ay ugu wacan tahay sida uu sheegay hadalkii madaxweynaha uu ku amray in wasiiradii ku dhacay isbadelka shaqadooda sidooda u sii wataan.
Arintaan ismaandhaafka ah ayaa dhalisay in ra’iisal wasaaraha iyo madaxweynaha Soomaaliya khilaafkooda uu sii baaho,waxaana khilaafka uu saameyn ku yeeshay howlaha hay’adaha kala duwan ee Dowlada.
Halkan Ka Dhageyso
Xildhibaan Cabdi Max’ed Abti-doon oo hadalkiisa sii wata ayaa shaaca ka qaaday in sidan uusan ku shaqeyn Karin ra’iisal wasaare C/wali,maadama uu sheegay in la heysto oo madaxtooyada laga soo abaabulayo kala qeyb-sanaanta xubnaha Golaha Wasiirada xukuumada Soomaaliya,sida uu xildhibaanka hadalka u dhigay.
Idale News Online, Muqdisho
