Bardaale(INO)-Gudoomiyaha degmada Bardaale ee gobolka Baay Max’ed Isxaaq Xasan oo la hadlay Warbaahinta ayaa ka warbixiyay dagaal deegaanka Buula-xaawo ku dhexmaray Al-shabaab iyo Ciidamada Dowlada Federaalka Soomaaliya.
Wuxuu sheegay gudoomiyaha in dagaalka qasaaro ay ku gaarsiiyeen Al-shabaab oo Labo askari kaga dhaawaceen halka Sarkaalkii aaga dagaalka u qaabilkasanaa Shabaabna ay dileen,sida uu hadalka u dhigay,isagoona hadalkiisa intaasi raaciyay dhankooda askari ka tirsan Dowlada Federaalka dagaalka uu kaga dhintay.
Halkan Ka Dhageyso.
Gudoomiyaha degmada Bardaale Max’ed Isxaaq Xasan ayaa ku sheegay magaca sarkaalka Shabaab ay dagaalka ku qaarijiyeen Max’ed Cumar.
Dagaalka oo shalay gelinkii danbe ka dhacay deegaanka Buula-xaawo 30-km u jira degmada Bardaale ayaa hadana dib u bilowday saakay aroortii kaasi oo mar kale fooda isdaray.
Ugu danbeyntii gudoomiyaha degmada Bardaale ee gobolka Bakool ayaa shaaca ka qaaday in hada ciidamada Federaalka Soomaaliya ay ku sugan yihiin deegaanka lagu dagaalamay.
Idale News Online, Bardaale, Bay.
